Pasig City, nakuhang muli ang overall champion sa Batang Pinoy
2
Australia, hinakot ang lahat ng medalya sa AVC Beach Tour
Jet Hilario
Hinakot ng Australia ang lahat ng medalya sa katatapos na Rebisco Asian Volleyball Confederation (AVC) Beach Tour 2nd Nuvali Open na ginanap sa Nuvali Sand Courts sa Santa Rosa, Laguna.
Pinataob nina Paul Burnett at Luke Ryan ng Australia ang kanilang kababayang sina Ben Hood at Oliver Merritt sa all-Australian gold medal match sa iskor na 21-13, 21-18.
Naibulsa naman nina reigning Asian Seniors champions D’Artagnan Potts at Jack Pearse na taga-Australia din, ang bronze medal matapos iselyo ang 20-22, 21-19, 20-18 panalo laban kina Iranians Amerali Ghalehnovi at Bahman Salemiinjehboroun.
Itinuturing namang magandang panalo ito para sa Australia na siyang magiging host ng 2025 FIVB Beach Volleyball World Championships sa Adelaide sa Nobyembre 14 hanggang 23.
Kasunod ito ng 2025 FIVB Men’s Volleyball World Championship na gaganapin naman sa Pilipinas sa September 12 hanggang 28.
Bukod sa trophy, naibulsa din ng nagkampeon ang $2500, habang ang runners-up naman ay nag-uwi ng $2000 at $1500 naman para sa silver at bronze winners.
Samantala, wagi rin ang Australia ng gold sa women’s division kung saan tinalo nina Stefanie Fejes at Jasmine Fleming ang New Zealand bets na sina Shaunna Polley at Olivia MacDonald, 21-13, 13-21, 17-15, sa finals.
Naiuwi din ng mga Australyano ang bronze award mula kina Lizzie Alchin at Georgia Johnson na nanalo kina Japan spikers Asami Shiba at Reika Murakami, 21-17, 17-21, 11-15.
