Unang MVP trophy ni Fajardo ipapasubasta para sa mga biktima ng Tino
7
79th season ng NBA nagsimula na ngayong araw
Rico Lucero
Nagsimula na ngayong araw ng Miyerkules ang 2024-2025 Season ng National Basketball Association (NBA).
Sa pagbubukas nito, ay maglalaban-laban ang apat na koponan kung saan dalawa ang magmumula sa Eastern Conference at ang dalawang koponan ay mula naman sa Western conference.
Sisimulan ng Celtics na depensahan ang kanilang korona kontra sa New York knicks kung saan kabilang sila sa Eastern conference.
Target ng Boston Celtics na makuha ang unang back-to-back crowns matapos nila itong magawa noong 1968 at 1969. Plano din ng Celtics na mai-angat ang kanilang NBA record kung saan may pang labing walong championship banner na sila at inaasam na makuha pa ang pang-labing siyam na titulo.
“You have an opportunity to carry the organization forward, to double down on the tradition and history of what this organization has,” ani Boston coach Joe Mazzulla.
Dahil dito masusubukan naman ng defending champion ang bagong roster ng Knicks na kamakailan ay nakuha ang bigman All-Star na si Karl Anthony Towns.
Samantala, maghaharap naman ang Los Angeles Lakers at Minnesota Timberwolves para sa Western conference. Ang Wolves ang pumasok sa Western Conference Finals noon nakaraang season pero tinalo din ito ng Dallas Mavericks.
Tatagal ang regular season ng NBA hanggang sa April 13, 2025, kung saan ang bawat koponan ay dadaan sa 82 laro sa kabuuan ng season bago ang tuluyang makapasok sa playoff 2025.
Gaganapin naman ang NBA All Star Weekend sa Pebrero 14 hanggang Pebrero 16, 2025. Mula Pebrero 14 hanggang 19 ay naka-break ang NBA at magbabalik-aksyon sa Pebrero 20.
Habang magsisimula naman ang playoffs sa April 19, 2025 at magpapatuloy hanggang sa unang linggo ng Mayo. At ang NBA Finals naman ay itinakda sa June 5, 2025.
