Unang panalo sa Game 1 ng quarter finals magandang simula para sa Beermen

Naging maganda ang simula para sa San Miguel ang pagdating ng kanilang bagong import nang makamit nila ang tagumpay kontra sa Converge FiberXers, 102-95, sa panimula ng kanilang best-of-five quarter finals series ng PBA Season 49 Governors’ Cup, Huwebes ng gabi, Setyembre 26, sa Ninoy Aquino Stadium.

Bagaman sa umpisa ng laban ay parehong agresibo at mahigpit ang depensahan ng dalawang koponan, parehas pa ring nagpalitan ng tirada ang magkabilang panig hanggang sa manaig Beermen sa huli.

Umabot man ng double-digit ang lamang ng San Miguel bago matapos ang laro ngunit hindi sumuko ang FiberXers at naibaba pa nila ito hanggang sa apat na puntos. Gayunman, nanaig pa rin ang experience ng Beermen sa huli kung kaya’t na-force nila sa costly turnovers ang Converge na naging dahilan kung bakit napunta sa mga magse-serbesa ang tagumpay.

Bumilib naman si SMB coach Jorge Gallent sa unang performance ng kanilang bagong reinforcement na si EJ Anosike na pumalit sa injured na si Jordan Adams, na nanood din ng laban kagabi upang suportahan ang kanyang koponan.

"He has this physicality inside, and he grabs boards. He likes to power inside and that's good in getting our shooters open," patungkol ni Gallent sa kanyang import. 

Pinangunahan ni Anosike ang SMB sa pamamagitan ng ambag nitong 28 points, 11 rebounds at limang assists, habang mayroong 25 markers, 16 boards, dalawang steals at tatlong blocks si June Mar Fajardo.

Susubukan ng Beermen na gawing 2-0 ang serye sa Sabado, September 28, sa muli nilang pagtutuos ng FiberXers sa Smart Araneta Coliseum.

The Scores :

SAN MIGUEL 102 - Anosike 28, Fajardo 25, Perez 11, Rosales 11, Trollano 6, Cruz 6, Romeo 4, Ross 4, Lassiter 3, Enciso 3, Brondial 1.

CONVERGE 95 - Jones 22, Arana 20, Winston 17, Caralipio 10, Delos Santos 7, Stockton 5, Ambohot 5, Cabagbot 3, Andrade 3, Santos 3, Nieto 0.

QUARTERS : 30-23, 55-50, 85-72, 102-95