Unang MVP trophy ni Fajardo ipapasubasta para sa mga biktima ng Tino
7
TNT panalo vs, Magnolia Hot shots
Jet Hilario
Nalusutan ng TNT Tropang Giga ang Magnolia Hotshots sa score na 88-82 sa nagpapatuloy na 2024 PBA Governors’ Cup.
Nakuha ni Hollis-Jefferson ang halos triple-double sa pamamagitan ng isang three-pointer at isang breakaway dunk mula sa isang steal sa homestretch. Pinangunahan din nito ang panalo ng TNT kung saan nakapagtala siya ng 32 points, 19 rebounds at pitong steals.
Nag-ambag din ng puntos sina Rey Nambatac na umiskor ng 15 points, RR Pogoy 12 points at Brian Heruela 10 points
Dahil sa panalo ng TNT ay nasa unang pwesto na ito sa Group A.
Ito na rin ang pangatlong panalo sa apat na laro ng TNT habang ang Magnolia ay mayroong isang panalo at dalawang talo.
Dito pinakita ng Tropang Giga na ang pinakamahigpit na depensa kung saan nahawakan nila ang Hotshots ng halos 20 puntos na mas mababa sa kanilang average sa kanilang unang dalawang laro.
The scores:
TNT 88 – Hollis-Jefferson 32, Nambatac 15, Pogoy 12, Heruela 10, Erram 6, Castro 4, Oftana 3, Khobuntin 3, Aurin 3, Varilla 0, Exciminiano 0, Ebona 0.
Magnolia 82 – Robinson III 19, Lucero 14, Lee 13, Barroca 12, Sangalang 11, Abueva 7, Dela Rosa 6, Ahanmisi 0, Dionisio 0, Alfaro 0, Escoto 0, Laput 0.
Quarters: 29-22; 50-49; 72-66; 88-82.
