Pedro Taduran, dedepensahan ang kaniyang titulong IBF vs. Ginjiro Shigeoka
2
Second straight win nasungkit ng Hong Kong Eastern laban sa Converge
Rico Lucero
Nakamit ng Hong Kong Eastern ang kanilang ikalawang sunod na panalo matapos talunin ang Converge, 117-106, sa pagpapatuloy ng PBA Season 49 Commissioner's Cup nitong Biyernes ng gabi, November 29, sa Ninoy Aquino Stadium sa Maynila.
Binuhat ni Cameron Clark ang Eastern para talunin ang FiberXers sa pamamagitan ng kanyang 39 points, 15 rebounds at dalawang blocks.
Nag-ambag naman ng 21 points si Hayden Blankley at nagdagdag ng 19 si Glen Yang.
Ang HK Eastern ay mayroon ng dalawang panalo at wala pang talo habang ang Converge ay mayroong isang panalo at isang talo.
Ayon kay Hong Kong Eastern head coach Mensur Bajramovic, patuloy pa rin aniya ang kanilang ginagawang pag-aaral sa sistema at progreso ng kanilang koponan.
“We fought well. Actually, each game there are mistakes and it’s not possible without mistakes.
"But we tried to minimize the mistakes tonight. We had some problems in our offense in some periods of the game, but that’s what the opponent gave you, they played good defense.
"At the same time, we had a pretty consistent defense all game. For us, it’s a big win, to be honest," pahayag ni Bajramovic.
Samantala, sa panig naman ng FiberXers, nanguna si Cheick Diallo na may 43-points, at nine rebounds, habang si Alex Stockton naman ay mayroong 18 markers at si Jordan Heading naman ay nakapag ambag ng 13 puntos.
The scores:
Eastern 117 – Clark 39, Blankley 21, Yang 19, Guinchard 14, Lam 11, Cheung 4, Cao 3, Chan 2, Pok 2, Xu 2.
Converge 106 – Diallo 43, Stockton 18, Heading 13, Winston 12, Arana 10, Racal 5, Nieto 5, Delos Santos 0, Santos 0, Javillonar 0.
Quarters: 21-20; 58-55; 91-83; 117-106.
