NLEX, Blackwater panalo sa pagbubukas ng Kadayawan Tournament
5
San Miguel Beermen tinapos ang two-game skid laban sa Magnolia
Juan Karlo Libunao (JKL)
Muling nakabalik sa winning column ang defending champion San Miguel Beermen nang talunin nila ang kanilang karibal sa kampeonato noong nakaaraang taon na Magnolia Chicken Timplados Hotshots, 85-78, sa nagpapatuloy na PBA Season 49 Commissioner's Cup kagabi, January 12, sa Ynares Center sa Antipolo.
Kumamada si CJ Perez ng kabuuang 23 points kung saan 11 dito ay naibuslo niya sa fourth quarter, upang pangunahan ang San Miguel sa panalo. Mayroon din siyang naitalang 10 assists, six rebounds at four steals.
Ang Beermen import na si Jabari Narcis naman ay nag-ambag ng 18 puntos at 23 na rebounds, habang nagdagdag si June Mar Fajardo ng 13 points, 14 rebounds at six assists.
Tumulong din sina Juami Tiongson (13), Jericho Cruz (10) at Marcio Lassiter (8) para makuha ng SMB ang kartadang 4-4 sa team standings at lumamang sa NLEX at Phoenix na may parehas na 3-5 win loss records.
"We considered this game as most crucial for us as Magnolia is one our rivals for the Top 8. A loss will slide us to the Bottom 5 but a win will get us to the Top 8," ayon kay San Miguel head coach Leo Austria.
"This win will be a good morale booster for us, giving us more confidence going to our next game against Meralco (on Saturday in Candon)," dagdag niya.
Samantala, nahulog naman ang Magnolia sa 3-6 record na naglagay sa kanila sa 11th place at nanganganib na hindi makapasok sa playoffs.
Pinangunahan ni import Ricardo Ratliffe ang Hotshots na nagtala ng 24 points at 15 rebounds, habang si Mark Barroca naman ay nag-ambag ng 13 markers at six assists sa gabing nakamit niya ang isang milestone -- ang laro kagabi ay ang kanyang ika-600 consecutive sa pro league.
Susubukan bumalik sa panalo ng Magnolia sa Huwebes, January 12, laban sa Phoenix Fuels kung saan ang kanilang itataya ang kanilang conference lives sa Philsports Arena.
Ang San Miguel naman ay muling babalik sa hardcourt para lalo pa paigtingin ang kanilang title-defense laban sa Meralco Bolts sa Sabado, January 18, sa Candon City Arena sa Ilocos Sur.
The Scores:
SAN MIGUEL 85 - Perez 23, Narcis 18, Tiongson 13, Fajardo 13, Cruz 10, Lassiter 8, Ross 0, Brondial 0, Trollano 0, Cahilig 0.
MAGNOLIA 78 - Ratliffe 24, Barroca 13, Lucero 9, Lastimosa 9, Sangalang 6, Dela Rosa 4, Abueva 4, Alfaro 4, Ahanmisi 3, Balanza 2, Dionisio 0, Laput 0.
Quarter Scores: 20-17, 40-29, 60-60, 85-78.
