Unang MVP trophy ni Fajardo ipapasubasta para sa mga biktima ng Tino
8
ROS, tuloy ang win streak matapos talunin ang NLEX
Jet Hilario
Tinambakan ng Rain or Shine ang NLEX Road Warriors sa score na 124-105 para maging kauna-unahan at undefeated team sa PBA 49th Season Governors' Cup sa Ninoy Aquino Stadium.
Pinawi ng Rain or Shine ang maagang 21-point deficit para matalo ang NLEX bagaman maagang bumagsak ang Elasto Painters sa unang dalawang quarter ng laro, 45-24.
Sa kabila nito, nakabawi pa rin ang ROS sa halftime, 58-54, at umabante patungo sa kanilang 19 puntos na kalamangan sa pagtatapos ng laro.
Bumida sa panalo ng Painters si Jhonard Clarito na nagtala ng 24 points, limang assists at tatlong rebounds.
Nag-ambag naman ng 22 points at anim na rebounds si Gian Mamuyac habang mayroong 21 points, 20 rebounds si Aaron Fuller para makuha ng Painters ang tatlong sunod na panalo.
Sa panig naman ng NLEX, 22 points ang naiambag ni Robert Bollick, 7 rebounds at 4 na assists habang si Richie Rodger ay nagdagdag ng 16 puntos at ang import na si Myke Henry, na mayroong 21 puntos na malayo sa kanyang 34-point scoring average sa pagpasok ng laro.
Dahil sa panalo, hawak na ng Elasto Painters ang 3-0 win-loss standing sa Group B.
The Scores
Rain or Shine 124 – Clarito 24, Mamuyac 22, Fuller 21, Caracut 17, Tiongson 10, Lemetti 9, Datu 6, Santillan 3, Nocum 3, Asistio 3, Escandor 3, Ildefonso 2, Norwood 1, Villegas 0, Belga
NLEX 105 – Bolick 22, Henry 21, Rodger 16, Miranda 15, Policarpio 13, Fajardo 9, Amer 6, Nieto 3, Valdez 0, Semerad 0, Marcelo 0, Herndon 0.
Quarters: 24-40; 58-54; 91-83; 124-105.
