Unang MVP trophy ni Fajardo ipapasubasta para sa mga biktima ng Tino
7
Pondong i-reremit ng PAGCOR at PCSO sa PSC, Pinababantayan
Jet Hilario
Matapos katigan ng Korte Suprema ang naging desisyon nito pabor sa PSC noong nakaraang linggo, pinababantayan na ngayon ni dating Pampanga Congressman at ngayon ay PBA coach Yeng Guiao ang aktwal na pagre-remit ng Philippine Amusement and Gaming Corporation (PAGCOR) at Philippine Charity Sweepstakes Office (PCSO) ng pondo sa Philippine Sports Commission (PSC).
Ayon kay PBA coach Yeng Guiao, matibay ang kanilang mga grounds para buo nang makuha ng PSC ang pondo na nakalaan sa kanila mula pa noong 1993.
“Legally and morally we’re standing on solid grounds. Iyong bulk of the work nandiyan na eh,” ani Guiao
Magugunitang nito lamang nakaraang linggo nang paboran ng Supreme Court ang petisyon ni Guiao noon pang 2016 kung saan siya ang tumayong vice chairman ng House Committee on Youth and Sports na nag-uutos sa PAGCOR na ibigay sa PSC ang limang porsyento ng kanilang gross income simula noong 1993 hanggang ngayong 2024 base sa nakasaad sa Republic Act No. 6847 na bumuo sa PSC noong 1990.
Sa desisyon ng SC, dapat i-remit ng PCSO sa PSC ang 30 porsyento ng kanilang charity fund at ang kinita sa anim na sweepstakes ng lottery draw kasama ang buwis sa horse races sa special holidays mula noong 2006 hanggang ngayong taon.
Kung susumahin ay maaaring umabot sa P25 bilyon ang pondong makukuha ng PSC mula sa PAGCOR at PCSO.
Sa ilalim ng batas, hindi na pwedeng umapela ang PAGCOR at PCSO sa naging desisyon ng korte suprema ngunit mayroong namang 15 araw ang mga ito na magsampa ng motion for reconsideration.
