Pinay gymnast Levi Ruivivar papasukin na rin ang mundo ng showbiz

Pagkatapos ang naging kampanya sa Paris Olympics nitong nakaraang buwan, bahagi na ngayon ng si Ruivivar ng Viva Artist Agency. 

Bukod sa gymnast, hilig din nito ang entertainment dahil sa ang mga magulang nito ay pareho ding mga artista na sina Anthony Ruivivar at Yvonne Jung. 

“Since I was like a younger gymnast, I really made it (a point) to be able to post more consistently and kind of like put myself out there. And I felt that starting with Viva was gonna help me more in that field. And that I would be able to achieve more of my higher goals by working with Viva,” ani Levi

Ngayong bahagi na si Ruivivar ng VIVA, masigasig na ito ngayon at nakahanda sa mga proyektong may kaugnayan sa pag-arte at modeling. 

Sa ngayon, bumalik muna si Ruivivar sa Amerika para ipagpatuloy at tapusin ang kanyang pag-aaral sa Stanford University. 

“If there are little projects that come up here and there, and then that work in my schedule that would be something that I will discuss with Viva and try to kind of figure out how that would be possible.But bigger projects would have to be after L.A. because I do train almost 34 hours a week sometimes. But now that I’m going to college, I will have a little bit more time because the training hours are a little bit less,” dagdag pa ni Levi

Bagaman papasukin ang mundo ng showbiz ay hindi rin nito nakakalimutan ang gymnastics, katunayan, bukod sa pag-aaral at pag-arte ay magiging abala din ito sa pag-eensayo para sa 2028 LA Olympics. 

Samantala, ikinatuwa naman ni Levi  ang paghingi ng tawad ni Gymnastics Association of the Philippines (GAP) president Cynthia Carrion sa kanya, kabilang ang iba pang Filipino gymnast, dahil sa hindi niya pagkakadalo sa homecoming parade para sa mga Filipino athletes sa 2024 Paris Olympics noong Agosto 14.