Pilipinas magho-host ng Asian Mixed Martial Arts tournament sa Oktubre

Magho-host ang Pilipinas ng inaugural  (AMMA) Manila Open sa Oktubre 14-16 sa Pasay City, inihayag ng mga organizer nitong Miyerkules.

Nasa kabuuang 130 mandirigma  ang magpapakita ng pinaghalong tradisyunal at modernong martial arts techniques mula sa iba't ibang bansa. Sampung Filipino fighters naman ang kakatawan sa Pilipinas, kung saan, maingat na pinipili ang  mga mandirigma, at kapag buo na ang roster list nito ay ilalabas ito sa lalong madaling panahon.

Ayon kay National Mixed Martial Arts Federasyon ng Pilipinas Secretary General Alvin Aguilar, naghahanap pa rin sila ng mga mahuhusay na manlalaro sa MMA at kanila itong susuportahan para taiyak na manalo sa kompetisyon. 

"Palagi kaming naghahanap ng pinakamahusay na kumatawan sa ating bansa, ang mahalaga ay mayroon tayong patas na pagpili at siguraduhing ang pinakamahusay lamang ang kumakatawan sa ating bansa at kapag nandoon na tayo ay tinitiyak natin na makukuha nila ang pinakamahusay na suporta at gagawin natin sure mananalo sila," ani Aguilar 

Samantala, ibinahagi naman ni AMMA Sports Director Galastein Tan na ang pagpili ng manlalaban para sa Manila Open ay batay sa mga opisyal na ranggo at kamakailang mga pagtatanghal.

“Dalawang competition na kami dati at binuksan namin ang registration sa lahat ng NF, NOCs para makapag-sign up sila, meron kaming 130 sign ups at base sa performance nila kaya priority ang mga nanalo ng unang 2023 championship at 2024 championship at the next batch is based on their rankings in the world," paliwanag ni Tan.

Ang Asian Mixed Martial Arts (AMMA)  ay itinatag noong 2022 sa Singapore, kung saan, layunin ng AMMA na i-promote at bumuo ng mixed martial arts sa buong Asia. Ito ang tanging pan-Asian mixed martial arts federation na kinikilala ng Olympic Council of Asia.

Ang matagumpay na pagho-host ng Inaugural Asian Mixed Martial Arts Championship sa Thailand noong 2023 ay nagdala ng sariwang enerhiya sa isport sa buong Asean region. Nagsilbi rin itong pambuwelo upang iangat ang pagkilala sa isport kapwa sa Asya at sa buong mundo.

Samantala, sinabi naman ni Philippine Olympic Committee President Bambol Tolentino na malapit nang maisama ang MMA sa mga regional games. Ito ay maaaring isa pang potensyal na mapagkukunan ng medalya para sa bansa.

"Abangan mo 'yan, baka in a few weeks or a few months baka biglang ma-announce na MMA will be included in the SEA Games and Nagoya. Not only an honor for the Philippines but for the entire members of these Asian MMA Group, "ani Tolentino