PBA: Tropang Giga nakuha ang panglimang panalo vs. NLEX

Nakuha ng TNT Tropang Giga ang kanilang pang-limang panalo, nitong Miyerkules ng gabi, January, 15, matapos talunin ang NLEX sa Ninoy Aquino Stadium, 94-87, sa nagpapatuloy na PBA Season 49 Commissioner’s Cup. 

Nanguna sa panalo ng TNT si Rondae Hollies-Jefferson na nakagawa ng 23 points, 14 rebounds, seven assists, at tatlong blocks, habang si RR Pogoy na produkto ng FEU ay nakagawa ng 18 points, dalawang rebounds isang block, at isang steal. 

Ayon kay TNT head coach, Chot Reyes, talaga umanong inasahan na nila na hindi magiging madali larong ito kagabi dahil target din ng NLEX na manalo sa para maiwasan ang ikalimang sunod na talo.

Nagpasalamat din si Reyes na nalusutan nila ang higpit ng depensa ng kanilang kalaban at nakarekober sa laro bago pa man mahuli ang lahat sa kanila. 

“First of all, we had no delusions that this would be an easy game. We knew that NLEX is fighting for survival so we anticipated it. [NLEX] took away a lot of the things that we do, and I thought that we were taking it a little bit too easy at the start. Thankfully, we recovered in the end game,” ani Reyes. 

Dahil naman sa panalo ng Tropang Giga ay mayroon na itong 5-2 win-loss record, habang ang NLEX naman ay mayroon nang 3-6 win-loss record at ito na rin ang kanilang  ikalimang sunod na talo. 

Sa Biyernes, January 17, susubukan ng TNT na makuha ang ika-anim na panalo kontra Barangay Ginebra sa Philsports Arena. 

The Scores: 

TNT 94 – Hollis-Jefferson 23, Pogoy 18, Oftana 14, Erram 8, Aurin 8, Castro 6, Razon 6, Nambatac 5, Galinato 2, K.Williams 2, Khobuntin 2, Heruela 0.

NLEX 87 – Watkins 33, Alas 16, Torres 7, Policarpio 6, Mocon 6, Herndon 6, Bolick 4, Valdez 4, Rodger 3, Ramirez 2, Fajardo 0, Nieto 0.

Quarter Scores: 24-19, 39-39, 67-63, 94-87.