Mga hamon, pagsubok at tagumpay na pinagdaanan ng Volleybukids
13
PBA: SMB bigong makakuha ng panalo vs. NLEX
Hindi napigilan ng San Miguel Beermen si Robert Bolick bago matapos ang final period para tuluyang talunin ng NLEX ang SMB, 104-99, sa PBA Season 49 Commissioner's Cup nitong Linggo ng gabi sa Ynares Center sa Antipolo.
Umiskor ang shooting guard ng NLEX ng 20 sa kanyang game-high na 39 points sa huling quarter at nagdagdag pa ng siyam na assists, para tuluyang mabura ng Road Warriors ang 19-point deficit at makuha ang kanilang ikatlong sunod na panalo.
Dahil naman sa naging performance ni Bolick ay hindi naman naiwasang humanga ni NLEX head coach Jong Uichico sa galing at sa sipag na ipinamalas nito sa laro.
"I'm lucky that I have Robert as our lead point guard. You know he'll be there in the end game. What can I do without you? It makes your offensive game plan mas madali, kapag kasama mo si Robert. He makes great decisions, he makes big shots, he plays defense. So it's a luxury," ani coach Uichico.
Bukod kay Bolick, si Watkins ay gumawa din ng 17 puntos, 28 rebounds at apat na blocks, habang si Anthony Semerad naman ay nagdagdag ng 12 puntos. Nag-ambag rin si Xyrus Dane ng 11 points, at si Enoch Valdez naman ay mayroong 10 points, habang ang nagbabalik na si Kevin Alas na naglaro ng ilang minuto ay nagbigay din ng apat na puntos, tatlong assist at dalawang rebounds.
Sa ngayon, mayroon ng tatlong panalo at isang talo ang NLEX habang ang Beermen ay mayroong isang panalo at isang talo.
Susunod na makakalaban ng Beermen ang Rain or Shine Elasto Painters sa Martes, December 10, sa Eco Filoil Center sa San Juan, Manila, habang ang Road Warriors naman ay susubukang makuha ang ikaapat na panalo laban naman sa Barangay Ginebra San Miguel sa December 11, sa Ninoy Aquino Stadium.
Ang mga Iskor:
NLEX 104 – Bolick 39, Watkins 17, Semerad 12, Torres 11, Valdez 10, Rodger 8, Alas 4, Herndon 3, Marcelo 0, Bahio 0
SAN MIGUEL 99 – Miller 21, Fajardo 20, Perez 14, Tiongson 11, Tautuaa 1, Trollano 10, Lassiter 6, Brondial 2, Cahilig 2, Rosales 2, Cruz 0, Ross 0, Enciso 0
QUARTERS: 17-21, 40-53, 71-75, 104-99
