PBA: Pagkakapanalo ng SMB ‘tsamba lang’ - Fajardo

"Tsamba na lang yon," ani June Mar Fajardo, matapos nilang malusutan ang agresibong laro ng Elasto Painters dahilan ng dikitang laban nito sa nagpapatuloy na PBA Governors Cup 113-112. 

Sinabi ni Fajardo na malapit na aniya maubos ang oras kaya tumira na siya bago pa man maubusan ng oras, hindi rin nagpakita si Fajardo ng pag-aalinlangan sa pagpapalipad nito, at ang bola ay tumalbog ng isang beses bago bumagsak sa net nang matapos ang oras.

"Dying seconds, kailangan itira. Mabuti pumasok," ani Fajardo. 

Matatandaang nanguna sa panalo si MVP awardee na si June Mar Fajardo kung saan nakapag-ambag ito ng 27 puntos at 19 na rebounds sa isang malaking double-double na laro na tinapos niya sa panalo para sa SMB dahilan na rin kunga kaya’t umangat na ang pwesto ng Beermen sa 3-2 record standing. 

Ikinukunsidera naman ni Fajardo na sa ganitong uri ng laro ay maaring manalo sa marami ding pamamaraan gaya ng nangyari sa kanilang koponan ngayon, hinangaan naman ni Fajardo ang ipinakitang  performance game ng Rain or Shine. 

"Buti nakuha namin 'yung panalong 'to. Credit sa Rain or Shine. Great game. Credit din sa mga teammates ko, nag-step up lahat. Nag-step up kami lahat, lalo na nung ano, nung crucial minutes,"  dagdag ni Fajardo 

Sunod na makakaharap ng SMB ay ang NLEX sa September 11, habang ang Rain or Shine naman ay haharaping muli  ang Phoenix Fuel Master sa September 10 sa NInoy Aquino Stadium.