PBA: OT game nalusutan ng Elasto Painter vs. Road Warriors

Nalusutan ng Elasto Painters ang overtime game sa pagitan ng kalabang NLEX sa score na 123-114 sa nagpapatuloy na PBA Season 49 Governors’ Cup.

Sa first quarter pa lang ng laro, bumirada na agad ng 14 points si Anton Asistio kung saan apat sa mga tira niya dito ay puro 3-point shots, at nang sumapit na ang fourth quarter ay nagposte na ang Elasto Painters ng 105-93 dahilan kung kaya nalamangan na nila ng 12 puntos ang NLEX sa oras na 5:18 minutes. 

Bago naubusan ng oras ay naitabla na ni Jhonard Clarito ng Rain or Shine sa 110-110 sa natitirang 39.4 segundo pagkatapos ng  tatlong free throws ni Asistio.

Tila naging isang mabigat namang pagsubok para sa Elasto Painters ang laro nilang ito dahil sa 49 points na pinasabog ng bagong import ng NLEX na si DeQuan Jones, pero katulad ng inaasahan, ginawa ng Rain or Shine ang kanilang magagawa para makatiyak na maaangkin ang 6-2 wins/loss record sa pagkakataong iyon. 

“We will try to get six wins and assure ourselves of getting to the next round. Good test for us, this is a good experience. We have to learn how to win close games. Hindi ko alam how we survived iyong import nila, played a monster game with 49 points. Medyo napagod lang sa huli,” ani coach Yeng Guiao.

Nakapagtala ang  Elasto Painters ng 13 points sa overtime period para tuluyan nang talunin ang Road Warriors 

Samantala, humakot naman ang import na si A­aron Fuller ng 23 points at 25 rebounds para sa habang naka-iskor naman si  Anton Asistio ng 25 points habang si Felix Lemetti ay may 14 puntos, Adrian Nocum, na naging bayani ng Rain or Shine nakapag-ambag ng 11 points. 

The Scores:

Rain or Shine 123 – Asistio 25, Fuller 23, Clarito 15, Lemetti 14, Nocum 11, Tiongson 11, Datu 7, Santillan 7, Mamuyac 5, Ildefonso 3, Belga 2, Caracut 0.

NLEX 114 – Jones 49, Bolick 28, Herndon 9, Mocon 9, Valdez 8, Miranda 6, Amer 3, Marcelo 2, Semerad 0, Rodger 0, Fajardo 0.

Quarters: 34-33; 56-61; 89-83; 110-110; 123-114.