Unang MVP trophy ni Fajardo ipapasubasta para sa mga biktima ng Tino
7
PBA: FiberXers umarangkada ng panalo vs. Elasto Painters
Nasungkit ng Converge FiberXers ang panalo kontra Rain or Shine Elasto Painters sa nagpapatuloy na PBA Season 49 Commissioner’s Cup na ginanap sa Ninoy Aquino Stadium kagabi, January 14, 103-96.
Bagaman sa unang dalawang quarter ng laro ay ang layo ng abante ng Rain or Shine sa Converge, ipinamalas naman ng FiberXers ang kanilang depensa pagsapit ng third quarter at unti-unti nang dumidikit ang score sa Elasto Painters.
Pagsapit naman ng fourth quarter, pinangunahan ni Alec Stockton ang FiberXers kung saan kumamada na ito ng 17 puntos para sa kabuuang 21, at nagtala rin ng limang assists at apat na rebounds, habang si Jordan Heading naman ay nag-ambag ng 17 points, tatlong rebounds, at tatlong assists.
Ayon kay Stockton, gusto niyang makabawi sa mga nakaraan nilang laro kung saan hindi rin naging maganda ang naging performance niya.
“For me, I played really bad in our last games so I wanted to make sure to bounce back this game and give my team a chance to win. I'm just grateful to have these coaches, sila coach Franco, coach Charles, and coach Willie. They give their trust in me so I just want to give back to them na they put me there to close the game out and I just want to make sure I do the job for them,” ani Stockton.
Samantala, ikinatuwa naman ni Fiberxers head coach na si Franco Atienza na nalimitahan nila ang kanilang kalaban.
"Going to this game, we know Rain or Shine likes to run and they're a good offensive team. Good thing, we're able to limit them below 100. It took us a lot para ma-stop sila. Dinala nila kami sa takbuhan, at ganoon din sa ilalim, but good thing really we gained the momentum somewhere in the second," ani Atienza.
Dahil sa panalo ng Converge, mayroon na itong pitong panalo at tatlong talo habang ang Rain or Shine naman ay mayroon nang limang panalo at 3 talo.
The Scores:
CONVERGE 103 – Stockton 21, Heading 17, Arana 15, Racal 13, Diallo 8, Baltazar 8, Winston 7, Delos Santos 6, Santos 6, Caralipio 2, Ambohot 0, Nieto 0.
RAIN OR SHINE 96 – Clarito 24, Thompson 22, Belga 14, Santillan 6, Nocum 7, Asistio 5, Tiongson 5, Ildefonso 2, Norwood 0, Datu 0, Lemetti 0.
Quarter Scores: 17-30, 47-43, 73-69, 103-96.
