AVC Beach Tour 2nd Nuvali Open, opisyal nang umarangkada
11
PBA: Converge hindi tinablan ng kuryente ng Bolts; 105-97
Rico Lucero
Pinatumba ng Converge ang kuryenteng hatid ng Meralco Bolts matapos na makuha ang 105-97 winning score nitong Miyerkules ng gabi sa Ninoy Aquino Stadium sa pagpapatuloy ng PBA Season 49 Governor’s Cup.
Dahil sa panalo ng Converge, matibay na ang kanilang tsansa sa quarterfinals kung saan ngayon ay may third-running 5-4 record na ito, at maaaring mapanatili ng Converge ang slot na ito at makakuha ng outright passage sa susunod na round kung mananalo ito sa Magnolia sa Lunes.
Bumida sa panalo si Converge import Jalen Jones na nagtala ng 32 points at 10 rebounds habang si Alec Stockton ay mayroong bagong conference-high 27 points bukod sa 11 rebounds, 5 assists at 2 steals.
“I really just wanna give my best for my team to win, qualify for the playoffs and that’s something that we missed last conference. This game was close for us to clinch the playoff spot.” ani Stockton.
Sa kabila naman ng mahigpit na laban, masaya si Converge interim coach Franco Atienza sa ipinakitang aksyon ng kanyang mga manlalaro at nais nilang lalo pang maging handa sa para sa nalalapit na Playoffs.
“Whenever you play a close game, well if given a choice, whether to play a blowout game on our favor or a close game, but assured of win, we would choose the close game kasi that will build character,” ani Atienza.
Samantala, umaasa naman si assistant coach Charles Tiu na mananalo ang kanilang koponan kontra Northport at iyon din ang kanilang ipinapanalangin na matalo sila kahit isang beses sa natitira pa nilang dalawang laro.
"We just need to win and pray that NorthPort lose at least one of their two remaining games." ani Tiu.
Ang mga Iskor:
CONVERGE 105 – Jones 32, Stockton 27, Arana 12, Winston 8, Caralipio 8, Delos Santos 7, Santos 6, Ambohot 3, Nieto 2, Melecio 0, Andrade 0, Vigan-Fleming 0, Fornilos 0.
MERALCO 97 – Durham 25, Cansino 21, Newsome 14, Quinto 12, Banchero 10, Caram 6, Hodge 5, Bates 2, Almazan 2, Jose 0, Mendoza 0, Rios 0.
QUARTERS: 29-30, 51-53, 79-77, 105-97.
