Unang MVP trophy ni Fajardo ipapasubasta para sa mga biktima ng Tino
7
Meralco Bolts wagi vs. Batang Pier
Jet Hilario
Naitala ng Meralco Bolts ang kanilang ikalawang sunod na panalo kontra North Port Batang Pier sa score na 107-91 kung saan, nalasap naman ng Batang Pier ang kanilang pangalawang pagkatalo sa nagpapatuloy na PBA Governors’ Cup season 49.
Pinangunahan ni Allen Durham ang panalo ng Bolts na siyang naghatid ng halos triple-double na laro na nagpalaki ng 19 puntos na kalamangan sa kanilang malaking salvo sa ikatlong quarter ng laro.
Nakapagtala si Durham ng 34 points 15 rebounds at 9 assists.
Nagdagdag si Chris Banchero ng 23 at si Bong Quinto ng 18, kabilang ang isang nangungunang 14 sa first half, habang nag-ambag naman si Anjo Caram ng 10, lahat sa ikatlong quarter.
Dahil dito, naitala ng Bolts ang kanilang ikalawang sunod na panalo habang pinabagal ang NorthPort hotshot na si Arvin Tolentino.
Maganda rin ang ginawa ng Bolts kay NorthPort import Venky Jois dahil nilimitahan nila sa mahinang anim na puntos, limang rebounds at tatlong assists ang produksyon nito at na-force pa nila sa dalawang turnovers.
Bagaman naging maganda ang pagsisimula ng laro ng Batang Pier, hindi sapat ang pinagsanib na pwersa nina Tolentino, Navarro, at Munzon para mapagtagumpyan ang diskarte ng Bolts lalo na ng humataw na ito sa ikatlong quarter ng alaban.
The Scores :
MERALCO 109 - Durham 34, Banchero 24, 23, Quinto 18, Caram 10, Newsome 8, Pasucal 6, Cansino 6, Rios 2, Mendoza 2, Bates 0, Hodge 0, Pasaol 0.
NORTHPORT 99 - Tolentino 21, Navarro 18, Munzon 16, Flores 8, Bulanadi 7, Jois 6, Amores 6, Cuntapay 6, Jalalon 5, Nelle 3, Yu 3, Tratter 0, Onwubere 0.
QUARTERS: 22-28, 52-49, 90 -66, 109-99.
