Magnolia Hotshots tinambakan ang Dyip

Tinambakan ng Magnolia Hotshots ang Terrafirma Dyip sa score na 124-103 sa nagpapatuloy na PBA Governors’ Cup nitong Linggo.  

Naging magandang pagkakataon ito para sa Magnolia para makabangon mula sa malungkot na pagkatalo mula sa TNT noong Huwebes kung saan nakuha na nila ang 2-2 standing habang lagapak naman ang Terrafirma sa 0-4. 

Ikinatuwa ni Magnolia Coach Victolero ang paglalaro ni Jerick Ahanmisi na naka buslo ng apat na 4-pointers bukod pa sa dalawang triples, habang nagpasabog pa ito ng 10 puntos sa kanyang output sa second period na nagpasigla sa breakaway ng Magnolia sa 63-32 lead sa first half ng laro. 

Nanguna sa panalo ang 26-anyos na guard na Jerrick Ahanmisi na nagtala ng career-high na 24 points, dalawang assists at dalawang steals.

Nakapag-ambag din si import Glenn Robinson III ng 20 points at 13 rebounds habang si Zavier Lucero ay mayroong 15 points, limang rebounds at tatlong assists.

Bago naman ang pagsabog ni Ahanmisi, si Robinson ang pangunahing naging dahilan kung kaya lumamang agad ng maaga ang Hotshots bago tuluyang nagtapos na may 20 puntos at 13 rebounds sa kabila ng laban sa food poisoning sa bisperas ng laban.

Sina Zav Lucero, Ian Sangalang, Paul Lee at Joseph Eriobu ay nagtapos na may tig-12 puntos.

Ang 31-point halftime lead ng Magnolia sa ngayon ang pinakamalaki sa alinmang koponan mula nang itayo ng Phoenix ang 67-30 bulge sa Dyip pagkatapos ng 24 minuto sa kanilang 2022-23 Commissioner's Cup meeting.

Samantala, umiskor naman si Stanley Pringle ng 23 puntos para sa Terrafirma habang si Christian Standhardinger ay nagkaroon ng pinakamahusay na laro sa kanyang bagong koponan na may 22 puntos at 12 rebounds.

Lubha namang nagpahina sa tsansa ng panalo ngTerrafirma ang mga pinsalang natamo nina Juami Tiongson, Kemark Carino at Antonio Hester na nagpapigil sa kanila sa paglalaro sa buong second half.

Sinubukan naman ni rookie guard na si Paolo Hernandez na punan ang pagod ng kanyang career-high na 18 puntos na nakaangkla sa 3-of-4 shooting mula sa kabila ng arko, ngunit ang kanyang mga pagsisikap para maiahon ang Dyip sa pagkalugmok ay hindi na kinaya ng  mas balanseng pagsisikap ng Magnolia na maipanalo ang laban.

The Scores :

MAGNOLIA 124 - Ahanmisi 24, Robinson III 20, Lucero 15, Sangalang 14, Lee 13, Eriobu 12, Balanza 7, Barroca 6, Laput 6, Dionisio 4, Abueva 3, Mendoza 0, Reavis 0, Dela Rosa 0, Alfaro 0.

TERRAFIRMA 103 - Pringle 23, Standhardinger 22, Hernandez 18, Sangalang 9, Ramos 9, Ferrer 7, Hanapi 7, Cahilig 6, Hester 2, Tiongson 0, Olivario 0, Carino 0.

QUARTERS: 34-13 , 63-32, 86-64, 124-103