Lakers nakuha ang unang panalo laban sa Timberwolves sa pagbubukas ng NBA season

Hindi pinalampas ng Los Angeles Lakers ang kanilang momentum sa pagbubukas ng NBA regular season kontra Minnesota Timberwolves para maitala ang unang panalo, 110-103. 

Sa umpisa ng laro nagpakita na agad ng mg mahigpit na depensa ang Lakers habang sunod-sunod na nagpakawala ng power shots sina Lebron James, Anthony Davis, at Rui Hachimura. 

Pinangunahan ni Anthony Davis ang unang panalo ng Lakers kung saan nakapag-ambag ito ng 36 points at 16 na rebounds habang si Lebron James naman ay may 16 at si Hachimura naman ay mayroong 18. 

Samantala, gumawa naman ng kasaysayan sa NBA ang mag-amang Lebron at Bronny James, kung saan, sila ang unang mag-ama na magkasamang naglaro sa liga sa ilalim ng iisang koponan ng Lakers. 

Ayon kay Lebron, pamilya ang dahilan kung bakit niya gustong mangyari ito dahil nawala na sa kanya ang lahat dahil sa pagiging committed sa NBA. Sinabi pa ni LBJ na gusto rin aniya niyang makasama sa trabaho ang kanyang anak 

"It's always been family over everything. For me, I lost a lot of time because of this league and committing to this league. Being on the road at times, missing a lot of his things, Bryce's things, Zhuri's things, so to be able to have this moment where I'm working still and I can work alongside my son, it's one of the greatest gifts I've ever gotten from the man above and I'm going to take full advantage of it," ani James.

Si Lebron at Bronny ay magkasamang naglaro ng halos dalawa at kalahating minuto sa huling bahagi ng first quarter na siya siya ring unang beses din paglalaro ni Bronny sa NBA. 

Sa kabilang banda, masaya si Bronny na binigyan siya ng oportunidad na mapabilang sa NBA at makasama ang kanyang ama sa koponan.

"I'm just extremely grateful for everything. I was given an amazing opportunity to come in this league and get better every day and learn every day." ani Bronny James

Samantala, nakagawa naman ng 27 points si Anthony Edwards para sa Timberwolves, habang si Julius Randle ay may 16 puntos at siyam na rebounds, at si Donte DiVincenzo naman ay may 10 puntos sa kanilang mga debut sa Timberwolves pagkatapos ng trade na nagpadala ng Karl-Anthony Towns sa New York tatlong linggo na ang nakakaraan.

Sunod na makakalaban ng Timberwolves ang Sacramento Kings sa Huwebes, habang ang Lakers naman ay makakasagupa ang Phoenix Suns sa Biyernes.