NLEX, Blackwater panalo sa pagbubukas ng Kadayawan Tournament
5
Joseph Javiniar, wagi sa Stage 5 ng 2025 MPTC Tour of Luzon
Jet Hilario
Mula sa dating pagiging waiter ay wagi na ngayon sa Cycling.
Ito ang pinatunayan ni Joseph Javiniar kung saan nasungkit nito ang unang yugto ng kanyang tagumpay sa MPTC Tour ng Luzon, kahapon, Abril 28 sa Filinvest Mimosa Acacia Drive sa Clark, Pampanga.
Nai-rehistro ni Javiniar ang tatlong oras, 29 minuto at 20 segundo para pagharian ang 166.65 Clark-Clark Stage 5. Naunahan din nito sa finish line sina Jonel Carcueva ng MPT Drivehub at Marc Ryan Lago ng Go For Gold Cycling Team na parehong may 42 segundo ang agwat.
“Last five kilometers kumawala na po ako. Bale pito po kami na nag-breakaway sa Sacobia Bridge (Mabalacat, Pampanga),” ani Javiniar.
Ayon kay Javiniar, hindi niya akalain na masusungkit nito ang panalo sa Stage 5, at dumating pa aniya sa punto na gusto na nitong umatras sa laban.
“Hindi ko ine-expect na mananalo ako. Sobrang hirap ng breakaway from start to finish. Tiniis ko na lang talaga,” dagdag pa ni Javiniar.
Si Javiniar ay tubong Pagsanjan, Laguna at dati rin itong nagsilbing waiter sa kanilang bayan bago sumabak sa cycling. Pangarap din ni Javiniar na maging isang alagad ng batas subalit dahil na rin sa kahirapan ng buhay ay hindi na niya ito na ipagpatuloy at itinuon nalang ang pansin sa cycling.
“I worked as a waiter in Pagsanjan before I focused on cycling, all of us in cycling are dreaming to become champions, and I’m one of them,” sabi pa ni Javiniar.
