Hotshots, Batang Pier target ang 3-2 record

Hangarin ng Magnolia Hotshots at ng NorthPort Batang Pier na makuha ang kanilang ikatlong panalo sa PBA Season 49 Governors’ Cup kapag sila ay nagharap ngayong Miyerkules, September 4, 7:30 p.m. sa Smart-Araneta Coliseum.

Ang mananalo sa laban ay makaka-ungos na makuha ang 3-2 slate habang bababa naman sa 2-3 na kartada ang makakatanggap ng kabiguan.

Makikita na ang resulta ng 1st round robin sa Group A pagkatapos ang laban ng Hotshots at Batang Pier. Kasama nila sa grupo ang TNT Tropang Giga, Meralco Bolts, Converge at Terrafirma.

Pagkatapos nito ay tutungo na sila sa 2nd round ng round-robin sa grupo at ang top four ay aabante sa crossover quarterfinals laban sa top four din ng Group B na ngayon ay pinangungunahan ng Rain or Shine na may 4-0 win-loss record.

Matatandaan na tinalo ng Hotshots ang Dyip noong nakaraang Linggo, Setyembre 1, sa score na 124-103 habang ang Batang Pier naman ay nabigo sa kamay ng Bolts, 99-109, kaya’t mayroon silang 2-2 na record para pagsaluhan ang fifth place sa kasama ang Converge sa Group B, na pinangungunahan ng TNT (3-1) at Meralco (3-1).

Aasa muli ang Magnolia at NorthPort sa kanilang mga locals na nag-ko-compliment sa laro ng kanilang mga imports.

Para sa Magnolia, si Jerrick Ahanmisi ang namuno sa kanilang huling panalo kung saan nagtala ito ng career-high 24 points kasama ang apat na four-pointers at dalawang triples.

Samantalang si Arvin Tolentino naman ang kumamada para sa NorthPort ng magtala ng career-high 51 points upang pamunuan ang Bolts sa kanilang huling panalo.

Patuloy na sasandal ang Hotshots kay Glenn Robinson III na consistent sa kanyang unang apat na laro bilang reinforcement sa PBA, at ang NorthPort naman ay kay balik-import Venky Jois na inaasahang mas marami pang mai-a-ambag para sa kanyang koponan.