NLEX, Blackwater panalo sa pagbubukas ng Kadayawan Tournament
5
Gilas Pilipnas U18, handa na para 2024 FIBA U18 Asia Cup
Jet Hilario
Handa na ang Gilas Pilipinas boys para sa kampanya nito sa 2024 FIBA U18 Asia Cup simula sa Lunes sa Amman, Jordan matapos ilabas ang full roster nito at groupings.
Pinangungunahan ni ace guard Andy Gemao ang Gilas Pilipinas sa susunod na buwan para makapasok ang koponan sa 2025 FIBA U19 World Cup sa Switzerland.
Matatandaang una na itong nagawa ng Gilas U16 noong nakaraang taon nang magtapos sa Final Four ng FIBA 16 Asia Cup upang makapasok sa FIBA U17 World Cup na ginanap sa Turkey.
At determinado din ang mga manlalaro ni coach Josh Reyes upang makapasok sa FIBA Asia.
Umiskor ng 27.3-point winning margin average ang Gilas matapos kaldagin ang Indonesia, 87-64, host Malaysia, 97-71, at Thailand, 87-54.
Pero ibang laban ang FIBA Asia lalo’t bigatin ang mga katunggali ang makakatapat ng world No. 25 na Gilas sa Group D, tampok ang No. 27 na New Zealand, No. 51 na Jordan at No. 73 na Indonesia ulit.
Unang makakasagupa ng Gilas ang Indonesia sa Lunes, Jordan at New Zealand sa Martes at Miyerkules, ayon sa pagkakasunod.
Kailangang maging No. 1 team ang Gilas sa group phase upang makasikwat agad ng awtomatikong tiket sa quarterfinals dahil ang No. 2 at No. 3 teams ang kailangan pang dumaan sa qualification. Sibak naman kaagad ang kulelat na koponan.
