Fil-Japanese MMA fighter, Junna Tsukii wagi sa kanyang debut fight

Nagpakita ng kakaibang bagsik at tapang ang karate medalist at Fil-Japanese na si Junna Tsukii sa kanyang debut fight sa mixed martial arts sa Deep Jewels Summer Festival nitong Sabado ng gabi sa Odaiba, Tokyo Bay, Japan.

Ipinakita ni Tsukii sa kanyang katunggali ang bangis ng kanyang rear-naked choke sa first round kontra Japanese kickboxer Ruka ‘Dobokuneki’ Sakamoto,napilitang gumulong patalikod si Sakamato upang iwasan ang sangkaterbang suntok ni Tsukii subalit nakatiyempo na ng submission choke si Tsukii at agad na isinuko na ang laban sa pamamagitan ng pagtapik sa braso ni Tsukii sa oras na  2:11 sa first round mula sa senyales ni referee Masato Fukuda.

Iyon ang nagbigay sa kanya ng pagkakataon para lamugin ang mukha ng karibal sa ground and pound sa unang laban pa lang din ng Nippon sa MMA.

Samantala, itinuturing naman ni Tsukki na bagong landas ito para sa kanya kasunod ng pagreretiro sa amateur para pasukin ang pro MMA fighter para sa Japan at nag-world No.2 agad ang 32-anyos na Pasay-born fighter nang pataubin ang katunggali sa pamamagitan ng leg hook takedown.

Si Tsukii ay naging 2021 Asian Karateo Championships silver medalists, gold winner sa 2022 Birmingham World Games, 2021 Karate 1-Premier League sa Lisbon at PH 2019 Southeast Asian Games women’s karate under-50kgs, at nakamit ang 2018 Jakarta-Palembang Asian Games bronze medal.