Basketball: Converge, nakuryente din ng Bolts

Hindi lang ang Terrafirma ang nakalasap ng high voltage na dala ng Meralco Bolts kundi maging ang Converge sa kanilang paghaharap nitong Miyerkules, sa pagpapatuloy ng PBA Governors’ Cup season 49, 116-88. 

Limang Bolts player din ang umiskor ng double-digits kaya napag-iwanan ang Converge.

Nahabol ng Bolts ang 26-32 na kalamangang pagkatapos ng opening period at nakuha ang 53-50 lead sa break, ngunit nalampasan pa rin nila ang Converge sa iskor na  33-23 sa third quarter, at nilimitahan ng Bolts ang FiberXers sa 15 puntos  sa huling quarter para sa kalaunan ay malayo na ang lamang nito sa Converge. 

Pinangunahan muli ni Allen Durham ang Bolts kung saan nakaipon ito ng 27 points at 14 rebounds, habang dinagdagan naman ni Chris Banchero ng 24 points ang kanilang iskor kung saan dito na rin nagsunuran na ang iba pang mga manlalaro na makapagbuslo ng  iskor hanggang sa umabot sa 114-84 ang lead. 

Dahil sa panalo ng Meralco Bolts, umangat na ito sa 4-1 standing para maangkin  ang nangungunang puwesto sa Group A, habang ang Converge naman ay nakaranas ng sunod-sunod na pagkatalo at nauwi na sa 2-3 win-loss ang standing.

“We didn’t start out too well... but as the game progressed parang we had more of a urgency on offense and defense. I thought we played better defense in the second quarter and then we started the third quarter big. I think what's nice is we have guys... ready to play when guys go down,"  ani coach Trillo.

Ang mga Iskor:

MERALCO 116  – Durham 27, Banchero 24, Caram 16, Pasaol 12, Mendoza 10, Cansino 6, Newsom 5, Quinto 5, Jose 5, Rios 3, Bates 2, Pascual 1.

CONVERGE 88 – Hopson 33, Stockton 13, Delos Santos 12, AMbohot 10, Santos 8, Winston 5, Maagdenberg 4, Andrade 3, Fleming 0, Racal 0, Nieto 0, Caralipio 0, Melecio 0, Fornilos 0, Cabagnot 0.

QUARTERS : 26-32, 53-50, 86-73, 116-88.