Unang MVP trophy ni Fajardo ipapasubasta para sa mga biktima ng Tino
8
Alas Pilipinas mapapalaban sa FIVB Volleyball Men’s World Championship sa susunod na taon.
Rico Lucero
Mapapalaban ng husto ang Alas Pilipinas sa FIVB Volleyball Men’s World Championship sa susunod na taon dahil sa bigat ng mga koponan na kanilang masasagupa dito, kaya naman isa rin ito sa pinaghahandaan ng bansa para makondisyon ang mga manlalaro nito.
Gayunman, tiwala si Alas Pilipinas head coach Angiolino Frigoni na malaki ang tsansa ng kaniyang mga manlalaro na makapasok sa Championship. Base sa isinagawang draw, kabilang ang Pilipinas sa Group A kung saan kabilang din dito ang mga bansang Iran, Egypt, at Tunisia.
Habang nasa Group B naman ang Poland Netherlands, Qatar at Romania. Nasa Group C naman ang France Argentina, South Korea at Finland Nasa Group D naman ang United States, Cuba, Portugal at Colombia.
Nasa Group E naman ang Slovenia, Germany, Bulgaria at Chile habang kabilang sa Group F ang Italy, Ukraine, Belgium at Algeria.
Nasa Group G Japan Canada, Turkey at Libya samantalang nasa Group H ang Brazil, Serbia, Czechia at China.
Positibo naman ang tanaw ni Frigoni, mayroong ibubuga ang kaniyang koponan kahit pa hindi magiging madali ang kanilang tatahaking daan lalo na sa mga kamay ng Egypt at Tunisia, kung saan ang Tunisia ay 11-time African Championship at kasalukuyang No. 24 sa world rankings habang ang Egypt naman ay nasa No. 20.
Bukod sa Egypt at Tunisia makakasagupa ng Alas Pilipinas ang 2023 Asian Champions at World No.15, ang bansang Iran.
Sinabi naman ni chief at Asian Volleyball Confederation (AVC) president Ramon “Tats” Suzara na ang paghohost ng bansa sa FIVB Volleyball Men’s World Championship sa susunod na taon ay magiging makasaysayan dahil na rin sa hindi matatawarang suporta ng pamahalaan sa larong Volleyball.
“It will be historic as the LOC [Local Organizing Committee] represents a unique ensemble of active and passionate participation from various sectors such as Government, corporate, sports industry changemakers and trailblazers, and volunteers, all determined to deliver their best; all with hearts beating for the love of the game,” ani Suzara.
